Zaninah UEFA Women's Euro 2022 semifinal

July 6 aṭanga khelh 2022 UEFA European Women's Football Championship chu a hmawr an bawk hnai. Nizan khan England leh Sweden ten semifinal hmasa zawk an khel a, zanin dar 12:30 hian Germany leh France ten Stadium MK-ah semifinal hnuhnung zawk an khel ang.

Hmeichhe inelna hi England-in a thleng a, inelna neih hnuhnun ber finalist Netherlands leh Denmark ten tun ṭumah hian semifinal an thleng zo lo. Chutihrualin zanina inlan tur Germany hmeichhe team hi record nei ṭha ber lawrlak an ni a, inelna vawi 12 neih tawhah vawi riat an champion tawh a ni.