Gold medal lak ngei ka tum - Srikanth

Kidambi Srikanth chuan Birmingham Commonwealth Games neih turah gold medal lak a tum thu a sawi. India tlangval badminton khel thiam hian inelna hnuhnung zawkah khan silver medal a lo dawng tawh a ni.

Kum 29 mi Srikanth hian tun hnaiah mimal hlawhtlinna lian a chang meuh lo. Mahse, India tana a feh chhuahna Thomas Cup-ah an champion, he inelnaah hian singles match a khelh hoah a chak fai vek.

World number 1 hlui Srikanth chuan, "Inbuatsaihna ka nei ṭha viau, inelna neih hmain kar khat vel training ka la nei thei dawn bawk. Chuvangin match kan khelh hunah meuh chuan ka inpeih hman hle ang.

"Commonwealth Games hnuhnung zawkah khan champion tum takin ka inlan a, ka duhthusam ang tak thleng zo ta lo mah ila silver medal lak pawh kha a lawmawm, thlen chin aṭangin hma ka sawn ngei ka beisei," tiin a sawi.

India Badminton Team
Mipa
Singles: Lakshya Sen, Srikanth Kidambi
Doubles: Satwiksairaj Rankireddy, Chirag Shetty,
B. Sumeeth Reddy
Hmeichhia
Singles: PV Sindhu, Aakarshi Kashyap
Doubles: Ashwini Ponnappa, Gayathri Gopichand, Treesa Jolly