Canadian Open khel tur Kyrgios

US Open inbuatsaihna zinga mi Candian Open-ah Nick Kyrgios a inlan dawn. Australian tlangval hi duhsak takin wildcard pek a ni a, a ranking sang lo mah se qualifier khelh ngai loin main draw a khel tlang nghal thei dawn.

Kum 27 mi Kyrgios hian tun thla tir khan Wimbledon final a lut a, mahse nomawi inchuhna inkhelah Novak Djokovic a ngam lo. Canada ramah hian a vawi ruk inlanna tur a ni a, kum 2019 hnua a zin lehna hmasa a ni bawk ang.

Hard court inelnaah hian world number 1 Daniil Medvedev, Alexander Zverev, Grigor Dimitrov, Marin Cilic leh Rafael Nadal te pawh an inlan dawn. Djokovic chu hming pe lut zingah tel mah se, hripui laka invenna a lak ve loh avangin a zin thei dawn lo.

Serbian tlangval Novak hian Australian Open kha a lo khel thei lo tawh bawk a ni.