Dortmund boss thar Peter Bosz
Borussia Dortmund chuan an coach atan Peter Bosz an lakluh thu an puang. Kum 53-a upa manager hian Signal Iduna Park-ah kum 2019 thleng cham turin contract a ziak a, German club-ah hian Thomas Tuchel hmunruak a luah ang.
Dutch manager hi player a nih laia Netherlands tana vawi riat inlan tawh a ni a, coaching khawvel a luhchilh hnuah De Graafschap, Heracles Almelo, Feyenoord (technical director), Vitesse, Maccabi Tel Aviv leh Ajax a lo enkawl tawh. Season hmasa khan Ajax hi ropui taka kaihruaiin Europa League-ah final a hruai thleng hial a ni.