Mirza zinkawng a tawp

French Open mixed doubles-ah Rohan Bo­pan­na leh Canadian nula Gabriela Dabrowski te ṭangdun chuan Sania Mirza leh Ivan Dodig te hnehin semifinal an lut.

Thawhṭanni a inkhel­ah seeded pasarihna Bopanna leh Dabrowski te inkawp hian minute 52 chhung lekin 6-3, 6-4 in hnehna an chang. Kumin Roland Garros-ah Bopana chiah hi Indian player dam awm chhun a ni tawh.

Kuminah Mirza hian beisei a phak lo a, nikuma Martina Hingis nen an inṭhen hnuah doubles-ah pawh result ṭha a nei hleithei lo. Mirza leh Yaroslava Shvedova te ṭangdun chu hmeichhe singles-a an match hmasa berah an chak lo nghal tawh bawk a ni.