Golden Spike-ah Bolt

Jamaican legend Usain Bolt chu June 28 a neih tur Golden Spike-ah a inlan dawn a, khawvela tlan chak ber nihna chelhtu hi 100m intlansiakah a hmel kan hmu dawn a ni.

Kum 30-a upa Bolt hian kuminah intlansiak chawlhsan a tum thu a sawi tawh a, August thla a neih tur World Championship chu a inlanna hnuhnung tur a ni ang.

Golden Spike inelna buatsaihtu lam chuan thu­chhuah siamin, "A vawi kua nan Bolt a inlan dawn a, a tlan hnuhnung ber a ni tawh bawk ang," tiin a sawi. Inelna hi Ostrava, Czech Republic-a neih tur a ni.

Olympic gold medal pakua dawng tawh Bolt bakah 800m Olympic champion David Rudisha, 400m world record chelh mektu Wayde van Niekerk leh Olympic champion vawi ni tawh Mo Farah te pawh Golden Spike-ah hian an inlan dawn a ni.