Red Bull an buai

Red Bull team prin­cipal Christian Horner chuan Formula 1 intlan­siak hmabak pathum - Canadian, Europe leh Australian Grand Prix atan an inbuatsaih ngawrh thu a sawi a, hmun dang aia a harsat a rin thu a sawi tel bawk.

Red Bull hian Daniel Ricciardo leh Max Verstap­pen te an nei a, driver ṭha tak ni mah se Mercedes leh Ferrari an tluk loh avangin tun season-ah chak ni hmel an la hmu lo.

Horner chuan, "Hma kan sawn zel, Catalunya leh Monte Carlo-ah te hnehna chang zo lo mah ila kan tlan ṭha hle. Kan intlansiak lehna tur hmabak pathum hi kumina kan tlan tawhna nen a inang lo em em a, result nei ṭha turin inbuatsaih mah ila hna hautak leh khirh tak hmachhawn turin kan inrin a ngai," tiin a sawi.

Tun season-ah intlan­siak paruk a awm tawh a, Lewis Hamilton, Sebas­tan Vettel leh Valtteri Bottas te chiahin hnehna an la chang. Team cham­pionship lamah Red Bull hian point 97 hmuin pathumna an ni mek, an chungah hian Ferrari (196 points) leh Mercedes (179) te an awm ni.