Vawiinah CYMA Volleyball Semifinal

Central YMA leh Mizoram Volleyball Association-in an buatsaih D3 Amrit Cement 22nd Inter Branch YMA Volleyball Tournament 2022 chu R. Dengthuama Hall, Mualpuiah vawiin hian semifinal khelh a ni dawn.

Semifinal hi chawhnu dar 1:00 aṭangin khelh ṭan a ni dawn a, court khat chiah hman a ni tawh ang. Match pali khelh turah hmeichhe semifinal aṭangin khelh ṭan a ni ang a, mipa semifinal-in a chhunzawm ang.

July 29, Zirtawpni zan dar 8:00 hian hmeichhe final khelh a ni ang a, July 30, Inrinni zan dar 8:00-ah mipa final khelh leh tur a ni.

Mipa lam
Nimin khan quarterfinal khelh a ni a, R. Denghṭhuama Hall-ah entu an ṭhahnem hle. Mipa match hmasa berah Khawhai leh Champhai Tlangsam te an inkhel a, inkhel inhnehtawk takah hian Khawhai in 27-25, 18-25, 25-22, 25-18 in hnehna an chang.

Champion rinkai ni phak Chhinga Vengin Khawbel laka hnehna chang turin harsatna an tawk lo a, 25-13,25-17, 25-15 in an chak. Khawbel hian semifinal thleng zo ta lo mah se team 105 zinga a thiam pariata an tel phak avangin inchhuang tur an ni.

Semifinal-ah Khawhai leh Chhinga Veng te an inkhel dawn. Nimin khan Huntharin Kulikawn West an hneh a, semifinal-ah nizana Zawlnuam Vengpui leh Maubawk inkhela chak zawk an hmachhawn ang.

Hmeichhhe lam
Hmeichhe quarterfinal-ah Bungkawn leh Armed Veng South ten harsatna nei loin Dawrpui Vengthar leh Hlimen an hneh. Vawiin semifinal match hmasa berah Bungkawnin Armed Veng South an hmachhawn dawn a, a hmuhnawm dawn.

Nimin khan Kananin 25-21, 27-13, 25-11 in Bethlehem Vengthlang an hneh a, semifinal-ah nizana Thenzawl Field Veng leh Kolasib Diakkawn inkhela chak zawk an hmachhawn dawn.

Record chu
Mipa volleyball inelna hi kumin chhiar tel lohin vawi 15 neih a ni tawh a, vawi thum champion tawh Maubawkin record an nei ṭha ber. Chutihrualin vawi hnih champion zinga mi Huntharin vawi sarih zet final an lut a, vawi nga an vanduai thung. Hunthar bakah hian Dawrpui Vengthar, Bungzung leh Champhai te vawi hnih ṭheuh an champion tawh bawk.

Hmeichhe volleyball inelna hi kumin chhiar tel lohin vawi 20 neih a ni tawh thung. Vawi 15 zet final lut tawh Kananin vawi sarih champion tawhin record an nei ṭha ber. Kanan hnaih bertu chu champion lai Bungkawn an ni a, vawi ruk champion tawhin vawi hnih final-ah an vanduai tawh. Kanan leh Bungkawn bakah hian Dawrpui Vengthar (3), Champhai (2) leh Electric Veng (2) te an champion tawh bawk.

THLIRNA TAWI
QUARTERFINAL - July 27, Nilaini
MIPA
Khawhai bt Champhai Tlangsam
27-25, 18-25, 25-22, 25-18 (3-1)
Chhinga Veng bt Khawbel
25-13,25-17, 25-15 (3-0)
Hunthar bt Kulikawn West
25-15,25-15, 25-22 (3-0)

Result hriat hman loh
Zawlnuam Vengpui Vs Maubawk

HMEICHHIA
Bungkawn bt Dawrpui Vengthar
25-16, 25-13, 25-12 (3-0)
Armed Veng South bt Hlimen
25-7, 27-25, 25-13 (3-0)
Kanan bt Bethlehem Vengthlang
25-21, 27-13, 25-11 (3-0)

Result hriat hman loh
Thenzawl Field Veng Vs Kolasib Diakkawn

SEMIFINAL - July 28, Ningani
HMEICHHIA
Bungkawn Vs Armed Veng South
Kanan Vs Thenzawl/Diakkawn

MIPA
Khawhai Vs Chhinga Veng
Hunthar Vs Zawlnuam/Maubawk

Note: Semifinal hi tlai dar 1:00 aṭanga khelh ṭan tur a ni ang a, Court khatah chauh an khel tawh ang. Hmeichhe semifinal khelh hmasak a ni ang a, Mipa semifinal-in a chhunzawm ang.