South Africa barakhaihtu Pakistan

ICC Champions Tro­phy-a an match hmasa berah India hneh loa an mualpho hnuin Pakistan an tho leh ta a, Edgbaston-a ruahsurin inkhel a tihbuai karah South Africa chu run 19-in an hneh. Nilaini tlai inkhelah hian South Africa an bat hmasa zawk a, over 50-ah run 219 siamin wicket riat an hloh. Proteas (South Africa sawina) tan David Miller chuan run 75 siamin a tawp thleng a dam a, a khel ṭha hle.

Pakistan bat hun a thleng a, run 119 an siam tiha wicket thum an hlohin ruahsurin inkhel a tibuai a, over 27-naa ni. DL method hman zui a ni a, Pakistan-in hnehna an chang. Babar Azam chu Pakistan tana run siam hnem ber a ni a, run 31 siamin a tawp thleng a dam. South Africa tan run 18 lek pea wicket thum latu Morne Morkel khel ṭha viau mah se ruah sur vanga DL method hman a ngaih miau avangin South Africa an vanduai.

Vawiin Inkhel Tur
New Zealand 03:30 PM Bangladesh