Radamel Falcao a la tar lo

Colombian striker Ra­damel Falcao a la tar lo - Nilaini zan khan Colombia leh Spain te chuan friendly match an khel a, 2-2 in an inhnehtawk. He inkhelah hian Falcao chuan minute 55-naah Colombia tan goal a khung a, match 65-a inlana a goal 26-na niin ram tana goal khung hnem ber a ni.

Mualneitu Spain-in minute 22-na lekah David Silva hmangin goal hmahruai an khung a, Colombia-in minute 39-naah Edwin Cardona hmangin an sut ve leh­nghal. Second half-ah Colombia-in Falcao hmang­in an hmahruaina goal an khung chhunzawm a, hun tawp nan minute thum chauh a awm tawh tihah substitute Alvaro Morata chuan an si phurh a sut ve leh a ni.

Kum 31-a upa Falcao hian ram tana goal khung hnem ber ni tur hian match 68-a goal 25 khungtu Arnoldo Iguaran a khum a, he dinhmun luah tur hian a nghak rei hle. Nilaini zana goal a khung hma hian ram tana a goal hnuhnung ber chu June 6, 2015 khan a khung a, kum hnih a nghak tihna a ni - Monaco a harhtharna chang striker hian ram tan pawh harhna a chang leh ta.