Tualchhung basketball hmasawn nan Aizawl DBA an din
Mizoram Basketball Association hnuaiah Aizawl District Basketball Association din a ni a, ADBBA hian Aizawl district huam chhunga club an enkawl ang.
MBBA hnuaiah Mizoram Super League a awm a, ADBBA hnuaiah hian mipa inelnaah division thum a awm ang a, kum tam lo muhil tawh hmeichhe basketball chu kaih thawh a ni bawk dawn.
MSL kai thei turte inelna Division I chu club paruk aṭangin club pariatah tih len a ni a, club 40 chuang awmna Division II chu mumal zawka a kal theih nan club 16-ah sawr tet a ni thung. Club dang zawng tan Division III chu siam thar a ni dawn bawk.
Club affiliation hi June 12-14 khian Eureka Restaurant, Treasury Square-ah a tih theih ang. Hmeichhe inelna din thar tura tel duh tan June thla chhung hian affiliation tih theih a ni.