Paris-in 2024 Olympic thleng dawn?

Kum 2024 Olympic Games thleng turin khawpui lian pahnih Los Angeles leh Paris te an inel mek a, LA lama an hruaitu Casey Wasserman thusawi aṭanga a lan dan chuan France khawpuiah an nghah a rinawm.

Khawpui tam takin Olympic thlen an duh a, dilna an thehlut. Thlen tuma a tawp thlenga hmala erawh an tam lo, Budapest, Hamburg leh Rome te an inhnuhdawh hnuah phei chuan Paris leh LA te chiah hi hma la thei an ni.

LA-in khawmpui lian an thlen nana hmalatu Casey Wasserman chuan, "2024 Olympic Games chiah hi kan tum a ni lo a, 2028 Olympic Games beiseina pawh kan nei," a ti. He thu a sawi hnuah hmalakna a kal reng thu sawi leh mah se 2024 atan beiseina an nei sang tawh lo tih a chiang.

International Olympic Committe chuan September thla hian 2024 Olympic Games thleng tur chu Peru khawpui Lima-ah an thlang fel ang.