Indian Football Awards-ah Mizo hming a langsar

Ningani zan khan Indian Football Awards chu Mumbai khawpuiah sem a ni a, Mizo hming a langsar hle. December 2016-a AIFF-in Player of the Year-a an lo thlan tawh Mizo tlangval Jeje Lalpekhlua hnenah chawimawina pek a ni a, Jerry Lalrinzuala chu Emerging Player of Hero I-League 2016-17 award pek a ni bawk.

Hero of I-League 2016-17 chawimawina dawngtu Sunil Chhetri chuan Mizo tlangval Jeje fakin, "Ani hi India-in player kan neih ṭhat ber a ni mek a, in­hliam loa awm renga he ram tana goal a khung zel theih hi ka ṭawngṭaina chu a ni," tiin Jeje a fak a, India-in AFC Asian Cup 2019 an khelh theih nan Hnahthial tlangval a pawimawh thu a sawi.

I League-a Aizawl FC champion puitu Khalid Jamil chu Coach of the Year-ah thlan a ni a, Mizo club tana captain arm­band hrengtu Alfred Kemah Jaryan chu Best Mid­fielder of Hero I League chawi­mawina pek a ni bawk.

I League (2016-17) Lawmman:
Best Home-match Organiser DSK Shivajians & Bengaluru FC
Fairplay Award Churchill Brothers
Best Emerging Player Jerry Lalrinzuala, DSK Shivajians
Best Goalkeeper Debjit Majumder, Mohun Bagan
Best Defender Anas Edathodika, Mohun Bagan
Best Midfielder Alfred Kemah Jaryan, Aizawl FC
Best Striker Aser Pierric Dipanda Dicka,
Shillong Lajong
Top Scorer Aser Pierric Dipanda Dicka
(11 goals), Shillong Lajong
Best Coach Khalid Jamil, Aizawl FC
Hero of I-League Sunil Chhetri, Bengaluru FC
Lawmman Dang (2016)
AIFF Best Grassroots Program of the Year Punjab
Special Award (AFC Cup Final) Bengaluru FC
Special Recognition Uvena Fernandes &
Gurpreet Singh Sandhu
Emerging Woman Player of the Year Sanju
AIFF Emerging Player of the Year Rowllin Borges
AIFF Woman Player of the Year Sasmita Malik
AIFF Player of the Year Jeje Lalpekhlua