Raonic leh a coach inṭhen

World number 6 Milos Raonic leh a coach Richard Krajicek te chu thla ruk chhung an thawhdun hnuah an inṭhen.

Kum 26-a upa Raonic hian nikum December thla khan Wimbledon champion hlui Krajicek hi coach atan a ruai a, inelna hrang hrangah final vawi hnih thlen puiin engah mah a champion lo thung. Tournament hnuhnung ber French Open-ah last 16 a paltlang zo lo a ni.

Canadian tlangval Raonic chuan, "Richard hi mi puitling leh rintlak tak a ni a, min puihna avangin a chungah ka lawm hle. Mahse, kan beisei ang result kan neih theih loh avangin kan thawhdunna kan tihtawp a ngai ta rih a ni," tiin a sawi.