Inter Milan manager thar Spalletti
Serie A club Inter Milan chuan AS Roma coach hlui Luciano Spalletti chu an manager thar atan an lalut, kum hnih chhung daih contract an ziahpui a ni.
Spalletti hian season hmasa khan Roma chu Italian Serie A-ah pahnihna a nihpui, champion Juventus chu point li chiahin an phak lo. Result ṭha tak nei mah se May 30 khan a hna hi a bansan.
Thla 16 chhung leka Roma tana a hnathawh ṭha tak hi Inter lamin an hmuh hmaih lo. May thlatira an ban tak Stefano Piolo hmunruak luah turin kum 58-a upa Spalletti hi an lalut nghal zat a ni.
Inter hian tun hma lama an ropuina ang kha neih let leh tumin hma an la mek a, season tharah Europa League pawh khel dawn lo mah se an team siamṭha turin manager aṭangin bul an ṭan a ni - Spalletti hian July 3 aṭangin hna a thawk ṭan ang.