Tuirialah Suzuki Gixxer Cup

Inrinni khan Tuirial Airfield-ah Mizoram Motorsports Association kaihhruainain Road to Rookie leh Suzuki Gixxer Cup selection round neih a ni a, rider 105 zet an inlan.

India ram hi zone 4-ah ṭhen a ni a, East Zone chu Aizawlah nghah niin zone tinah rider 4 zel lak tura ruahman a ni. Mahse, Mizoram bik aṭang hian JK Tyres chuan rider pariat an lak tur thu an sawi a, mi pali chu waiting list-a dah an ni bawk. Rider thlante hi tarlan a la ni rih lova, June 27 hian an website www.jktyremotorsport.com-ah result tarchhuah a ni ang.

Selection round hi intihsiakna pangngai anga intlansiak a ni lova, a khat mawi tawka tlan chhuahtir niin an bike khalh dan ngun taka thlir a ni - corner lak dan, gear shift timing leh endikna hrang hrang hmangin hrual tlak tura ngaih talent nei ṭhate an thlang. He inelnaah hian Mizoram bakah Arunachal leh Assam aṭangin rider an rawn kal khawm a ni.