ISL-ah team thar 2 JSW leh Tata Steel

Indian Super League (ISL) chuan team thar pahnih an neih belh ta - nimin tlai khan ISL enkawltu Football Sports Development Limited (FSDL) chuan ISL-a khel tura tender chhangtute aṭangin JSW Group (Bengaluru FC) leh Tata Steel chu ISL khel turin an thlang.

Nimin khan ISL khel tur hi an thlang fel a, JSW Group hi Bengaluru FC neitute an nih angin an team ngai ringin Bengaluru khawpuiah an awm hmel a, I League an chhuahsan ang. Tata Steel hian Jamshedpur lam aṭangin ISL hi an khelh hmal thung.

ISL hi sum a tam mai piah lamah tunah chuan Asian Football Confederation inelnaa tel theihna a nih hmel ta a, hei vang hian I League pawimawhna hi tlahniam zel tura ngaih a ni a; amaherawhchu tuna rawtna awm ISL leh I League-a a tiṭha paliin season tawpa playoff an khelh erawh chuan I League hlutna hi a sang leh thei tura ngaih a ni.