China-ah Capello a kal

England manager hlui Fabio Capello chuan pawisa tamna lam Chi­nese Super League a pan ve leh ta a, Jiangsu Suning a zawm. Chinese club chuan, "Fabio Capello chu kan team head coach ni turin contract kan ziahpui ta, Fabio kan lo lawm a che," tiin thuchhuah an siam.

Italian manager rorum hian khawvel huapa ma­na­ger langsar tak tak Luis Felipe Scolari, Andre Villas-Boas, Gus Poyet leh Felix Magath te CSL-ah a in elpui dawn tihna a ni a, Marcello Lippi chuan China national team a enkawl ve mek bawk.

Kum 70-a upa Ca­pello hian AC Milan a enkawl laiin Serie A (4) leh Champions League (1) nomawi a lo chawi tawh a, Real Madrid chu La Liga-ah vawi hnih champion puiin AS Roma chu Serie A nomawi a lo chawipui tawh bawk a ni.

Russia boss hlui lo ni tawh bawk Capello-a China pan turin Indian football-ah nghawng a nei tel a, Delhi Dynamos coach Gianluca Zam­brotta chuan Italian ma­nager hnuaiah hian assistant coach dinhmun a luah dawn niin an sawi.