Wimbledon khel lo tur Sharapova

Maria Sharapova chu a malpui hliam a la dam theih loh avangin Wimbledon qualifying a khel thei dawn lo. Grass court inelna lianah hian a hmel kan hmu thei dawn lo tihna a ni.

Grand Slam vawi nga champion tawh Sharpova hi thla 15 hrem a nih hnuah a rawn kir leh tawh a, hliam a neih leh tak avangin July thla tawp hma chu a chawlh a ngai dawn. Russian star hi a inkhelh leh theih meuh chuan Grass court season a tawp hman tawh dawn tihna a ni.

Kum 30-a upa Sha­rapova chuan, "Ka hliam enkawl mek a ni a, July 30 a khelh ṭan tur Stanford-ah rawn kir theih ka inbeisei," a ti. Wimbledon qualifying hi June 26 aṭanga khelh ṭan tur a ni a, inelna tak hi July 3 aṭanga khelh tur a ni ang.

World number 1 hlui Sharapova hi a inkhelh lo rei em avangin ranking nei loin a rawn kir a, tournament pathum a khelh hnuah number 178-ah a inhlangkai leh tawh.