An ramah Swiatek a chak

Hmeichhe tennis world number 1 Iga Swiatek chuan an ramah inlena a hmachhawn a, a match hmasa berah amah ang bawka tualchhung player Magdalena French hnehin Poland Open second round a lut.

Warsaw khawpuia clay court inelnaah Swiatek hian 6-1, 6-2 in hnehna a chang. Wimbledon-ah khan Swiatek hian rin loh tak maiin Alize Cornet chu third round-ah a ngam lo, a zawna match 37 a chak kal lai chu a tawp.

Wimbledon hnuah tun ṭum hi tournament a khelh lehna hmasa ber a ni a, atan chuan harsa lo taka hnehna chan leh nghal hi lawmna tur a ni ang. Chutih rualin chak turin darkar khat leh minute 13 a mamawh thung, awlsam tak tia sawi tur chu a ni bik lo.

Kum 21 mi Swiatek hian a match lehpekah chuan Romanian nula Gabriela Lee a hmachhawn leh dawn a ni.