Raul Jimenez a inhliam

Wolves striker Raul Jimenez chu a khup leh malpui a hliam a, chawlh kar eng emaw ti chhung a chawlh a ngai dawn. Premier League season tir lamah a hmel kan hmu thei dawn lo niin a lang.

Kum 31 mi Jimenez hi Besiktas 3-0 a an hneh ṭumin a inhlam a, club chuan an player hi a khup bakah a malpuiah hliam a neih thu an puang zui, a chawlh chen tur tak erawh chiang taka puan a ni lo.

Wolves tana thawktu, an damdawi lam thiam Dr Rob Chakraverty chuan, "A hliam nat zawng hi kan sawi nghal fak thei lo, a chawlh rih deuh a ngai dawn tih erawh kan sawi thei thung," an ti, an player zingah winger Chiquinho pawhin hliam tenau a tuar.

Besiktas lakah hian forward Hwang Hee-cha pawh hliam vangin a inlan thei lo, season hmasa lama loan hmanga Barcelona pantu Adama Traore chu Wolves-ah hian a kir leh tawh a, malpui hliam a neih pawh a dam hnai tawh tih an sawi thung.

Wolves hian Premier League season thar an match hmasa ber atan August 6, Inrinniah Leeds United an hmachhawn dawn a ni.