Haller a chawl rei dawn

Borussia Dortmund striker Sebastien Haller chu a tilmua bawk awm zai a ni a, cancer natna hi enkawl mek a ni. A chawlh chen tur chiang taka tarlan ni lo mah se, thla eng emaw zat chu a chawlh a ngai dawn tih tarlan a ni.

Ivory Coast interna-tional striker hian Ajax aṭangin Dortmund hi a pan. Bundesliga club tan match pangngai pawh a la khel hman lo. Switzerland-a pre season an hman laiin a na a, chumi hnuah a natna hi an hmu chhuak.

Dortmund sporting director Sebastian Kehl chuan, "Kar hmasa khan hlawhtling takin an zai, an zai hlawhtlin avang hian dam leh turin kawng dik a zawh chho dawn. Sebastien hi thla eng emaw chen chu a chawlh a ngai phawt dawn.

"A dinhmun hi uluk taka ngaihven chhunzawm a ni reng a, a lo kir leh ni tur tak hi bituk theih erawh a la ni lo," a ti a, cancer natna nei ni mah se khelmual chhungah inkhel tura a lo kir leh ngei an beisei sang hle.