Hualngohmun aia ṭha Chanmari

CYMA Football-a Aizawl khaw pawn thleng sang ber Hualngo­hmun-in darkar khat chuang Chanmari chelh thei mah se an ṭang tluan thei lo.

Nimin Lammual in­­khelah Chanmari tan Lal­nunzama'n goal hnih a khung a, Hualngohmun tana Ramdintluanga goal khungin inkhel result a tidanglam pha lo. Coach tawn­hriat nei ṭha Chawng­than­­sanga hote 2-1 in an chak.

Chanmari-in semi­final an thlen theih nana hero ZamZama hi Shillong Lajong academy-a awm mek a ni a, quarterfinal-a goal hnih a khung hma hian tun inelnaah goal li a khung tawh.

Coach Chawnga kaih­hruai Chanmari hian hun tam zawk inkhel thunun mah se goal hmanga an din­­hmun an siam ṭhat theih loh avangin hun tawp thlengin ngaih ṭha takin an awm lo.

Inkhel Result
Hualngohmun 1 - 2 Chanmari
HUA : Ramdintluanga 87'
CHA : Lalnunzama 68', 84'