Gianluigi Buffon tan season khat dang
Juventus keeper ropui Gianluigi Buffon chuan season khat dang khelh leh a tum a, hemi zawh hian professioal football chawlhsan a tum thu a sawi.
Kum 39 mi Buffon chuan, "Ka hmalam huna ka duh dan hi 99.9% in ka chiang a ni. Season khat dang ka la khel ang a, result ṭha thei ang bera neih ka tum ang a, chumi zawh chuan eng pawh thleng se ka chawl tawh ang," tiin hun rei a neih tawh loh thu a sawi.
Italian keeper Buffon chuan, "Ka la khelh zel theih dan kawng khat chu Champions League kan champion chauhin a ni a, Europe-a kan champion chuan Club World Cup leh nomawi dang chawi turin kum khat dang ka la khel leh ang," tiin a la chawi ngai loh Champions League a chawi a nih chuan kum khat dang khelh leh a inpeih thu a sawi.
Chutihrualin Buffon hian Champions League nomawi la chawi lo mah se Serie A title vawi riat a chawi tawh a, Coppa Italia-ah vawi li a champion tawh a, hei bakah hian 1998-99 UEFA Cup leh 2006 World Cup ah te a champion bawk.