US-ah Saina inlan dawn

Badminton world number 1 hlui Saina Nehwal chu a vawi khat nan US Open Grand Prix Gold-ah a inlan dawn. Inelna hi July 19-23 inkara neih tur a ni ang.

Thawhṭanni khan Badminton Association of India (BAI) chuan US Open bakah hian Chinese Taipei Grand Prix Gold (June 27 - July 2) leh Canadian Open Grand Prix (July 11 - 16) a inlan tur player a ti chiang. California-ah hian Saina bakah hian Sameer Verma, Prannoy Kumar leh Parupalli Kashyap te an inlan dawn a ni.

Taipei bikah hian player langsar an kal dawn lo, world number 33 Sourabh Verma chu India beiseina neih san ber a ni ang. Canada-ah erawh Prannoy leh Kashya te an khel ang.