CanadianGP-in beiseina min siam - Hamilton

Lewis Hamilton chuan Cana­dian Grand Prix-a hnehna a chan chu a mimal leh Mercedes team tan Formula 1 champion tura kailawn pawimawh leh beiseina siamsaktu a nih thu a sawi.

World champion vawi thum ni tawh Hamilton hian Canada-a hnehna a chan avangin driver cham­pionship-a hmahruaitu Sebas­tain Vettel chu point 12 chiahin a phak lo ta a, team inelna lamah pawh Mercedes hian point 129 hmuin pahnihna an ni a, an chungah hian point 141 hmu mek Ferrari an awm.

Britain tlangval Hamilton chuan, "Kei leh kan team-in kan mamawh chu kan hmuin ka hria, chak lo zawkah ṭang ni ila chuan Ferrari an fal zel dawn. Tunah chuan kan inkar a zim leh tak avangin season tawpah a hlim zawk kan nih ngei ka beisei," tiin a sawi.

Montreal-ah hian Hamilton-a'n intlansiak vawi 10 a hmachhawn tawhah ṭum ruk ngawt hnehna a chang thei a, tlan kawng dang zawng zawng aiin he hmunah hian result a nei ṭha fal hle.