Pickford dah sangtu Kirkland

Liverpool leh England goalkeeper hlui Chris Kirkland chuan Everton keeper thar Jordan Pick­ford chu eng team tan pawha khel tlak khawpa ṭha a nih thu a sawi chhuak.

Kum 23-a upa Pick­ford hian Sunderland aṭang­in Everton chu pound maktaduai 30 zetin a zawm a, a club tana sea­son hmasa Premier League match 29 kheltu hi a man a to em avangin a chanchinin sawi zui a hlawh hle.

Kirkland chuan, "Ka ngaihdan chuan khawvela a ṭha berte zinga mi a ni, hliam nei loa a khel thei a nih ngat chuan a ṭha ber a ni thei ang. Eng team tan pawha khel thei turin theihna a nei," tiin a sawi.

Liverpool tana match 25 inlan Kirkland hian kum 2001 khan Coventry aṭangin Reds chu pound maktaduai 6 in a zawm a, kha tih hunlaia British goal­kee­per man to ber a ni.

Season thara Europa League khel tur Everton-in an squad tih chhah belh zel an la tum, manager Ronald Koeman chuan player pathum tal lakluh a la duh nia sawi a - Ajax captain Davy Klaassen, Swansea playmaker Gylfi Sigurdsson leh Burnley centre back Michael Keane te hming a ri ring hle.