United defender thar Lindelof

Sweden defender Victor Lindelof chuan nimin zing khan Manchester a thleng a, document pawimawh a tihfel hman chuan, he thu i chhiar meuh chuan Manchester United player a ni tawh ang.

Red Devils hian Inrinni zan khan Benfica nen Lindelof chungchangah inremna an neih tawh thu an puang a, Swede defender man hi pound maktaduai 31 a ni.

Jose Mourinho-a'n January thla khan Lindelof hi lakluh a tum tawh a, Portuguese manager hian en thla zui zelin season thara atana tlarhnung tichak thei turah a ngai. United-in kum 22 mi Swede defender an hmin theih takah chuan English club hian an academy aṭanga inzir chhuak Burnley defender Michael Keane an ngaihven zui lo ang.

Thawhlehni zana Sweden leh Norway ten friendly match an khelh ṭumin Lindelof hi hahdamna hun pek a ni. Swede defender hi Jose Mourinho-a'n season thar atana a player lakluh hmasak ber a ni a, United hi Real Madrid striker Real Madrid striker Alvaro Morata leh Inter Milan winger Ivan Perisic te nen sawi zawm an ni.