Goan player hrem hnem

Goa Football Association chuan an hriatpuina hnuai tournament ni loa inlan player 45 ngawt thubuai an siamsak a, heng zingah hian players langsar tak tak East Bengal winger Romeo Fernandes, Churchill Brothers player pathum Brandon Fernandes, Keenan Almeida leh Adil Khan te pawh an tel.

GFA chuan heng player-te hi thubuai siamsak an nih thu hrilhin player licence chu state FA hnenah thehlut turin an ti a, an player hremte chu thlalak leh video an neih aṭangin an hriatpuina hnuaia mi ni lo tournament-ah hian an inlan ngei a ni tih an hriat thu an sawi.

Hetihlai hian GFA-in a hrem zinga mi, a hming tarlan remchang lo chuan, "GFA hian kan chhanletna an hmuh hunah reilote atana inkhel thei lo tura hrem kan nihna hi an ngaihtuah ṭha leh ang. Keini lamin tun dinhmuna kan tih theih chhun chu ngaihdam dil mai hi a ni, " a ti a, an hma hun a la chiang rih lo.