Cameroon lakah Colombia chak chiang

Colombia chuan Thawhlehni zan khan African champion Cameroon chu friendly match-ah 4-0 in an sawp. Colombia hian kar hmasa khan Spain chu 2-2 in an inhnehtawk pui tawh bawk.

Colombia tan hian defender Yerry Mina chuan goal hnih a khung bakah James Rodriquez leh Jose Izquierdo ten goal khat ve ve an khung bawk a ni. Cameroon striker Robert Ndip Tambwe chu second half minute thumna lekah hnawhchhuah a ni a, first half-ah goal hnih an phurh tawh avangin an tho chhuak lo.

African Nations Cup champion Cameroon hian Russia-ah Confe­derations Cup an khel dawn a, group stage-ah Australia leh Germany te an hmachhawn ang.

Hetih lai hian Colombia erawhin August leh September thla hian World Cup qualifier khel turin Venezuela leh Brazil an hmachhawn ang. Colombia hi South America-a ram 10 inel zingah pahnihna ni mekin Russia pan thei tur dinhmunah an ding mek a ni.