Saina-i'n second round a lut

London Olympic bronze medalist Sai­na Nehwal chuan Thawh­lehni zan khan Ratchanok Intanon hnehin Indonesia Open Super Series Pre­mier second round a inhlangkai. Inkhel dangah PV Sindhu chuan world number 20 Pornpawee Chochuwong chu 21-12, 21-19 in a hneh ve bawk.

Saina hian tun hnaiah result a nei ṭha tawk lo a, kum sarih chhunga a vawi khat nan world ranking-ah a sang 10 zingah a tel phak lo hial. India nula hian seeded pariatna hi 17-21, 21-18, 21-12 in a hneh.

World number 1 hlui Saina hian Thailand shut­tler Intanon hi vawi sarih a hnehna chiah a ni a, ṭum nga chu a hneh lo tawh thung. Saina hian third round-ah Nitchaon Jindapol a hmachhawn leh dawn a, a chak leh a nih chuan world num­ber 1 Tai Tzu Ying nen quarterfinal-ah an in­hmachhawn ang.

Mixed doubles lamah India aiawh B Sumeeth Reddy leh Ashwini Pon­nappa te chu Irfan Fadhilah leh Weni Anggraini te lakah 12-21, 9-21 in an chak lo nghal thung a ni.