Hmeichhe football SYS-in non residential football training nei dawn

Sports & Youth Services chuan kum 17 hnuai lam tan non residential football training a buatsaih dawn a, August 4, 2022 tlai dar 4:30 aṭangin RG Stadium, Mualpuiah an ṭan ang.

Tranining hi Mizo hmeichhe coach R. Lalnunsangi (Manuni) leh Lizy Lalhmingsangi ten an enkawl dawn. Non residential football training hi hmeichhe football hmasawnna tura buatsaih a ni a, Subroto Cup leh School Games-a Mizoram aiawh turte inzirna tur a ni ang.

Hmeichhe naupang kum 17 hnuai lam tawh phawt chu training-naah hian a kal theih a, hmeichhe football tui tan chuan a thlawna football zirna hi pan ngei chi a ni.