Pathianni zanah Euro Hmeichhe final

Euro 2022 hmeichhe final chu Pathianni zan dar 9:30 hian England leh Germany ten Wembley Stadium-ah an khel dawn. UEFA chuan final-ah hian inelna thlengtu England-in kawr var an hak tur thu an tichiang tawh a, Germany hian kawr hring an ha thung dawn.

England leh Germany hi football-ah chuan inhal tak an nih avangin tun ṭum final pawh hi boruak a san phah a, ticket pawh an hralh zo vek tawh.

Lionesses hian final thleng turin Thawhlehni khan Sweden 4-0 in an hneh a, Nilaini khan Germany-in France 2-1 in an hneh thung. Golden boot dawng tur pawh final-ah chinfel theih dawn. England forward Beth Mead leh Germany forward Alexandra Popp ten goal ruk ve ve an khung tawh a, final-a goal khung tam zawkin chawimawina an dawng ang.