Quarter-final-ah Swiatek a lut

Iga Swiatek chuan tun season clay court inelna bikah match 18 chhung a zawnin hnehna a chang ta. Ningani zan khan Poland Open-ah Gabriela Lee chu 6-3, 6-2 a hnehin quarterfinal a inhlangkai.

Kum 21 mi Swiatek hian clay bikah chuan 2021 French Open quarterfinal hnu lamah chak loh a la nei lo, a hmaa ding apiang an hneh zel. Court hrang hrang nena chhiar zawm chuan, tun season chhungin vawi 48 a chakna a ni nghal bawk.

French Open vawi hnih champion tawh hian, inkhel ṭan tir aṭangin a thunun hneh hle. Winners vawi 25 a vaw chhuak a, a khingpuiin break point vawi khat a hmuh ve pawh a chhuhsak let thei, a service a hum ṭha vet vet hle.

Swiatek hian a match lehpekah chuan Caroline Garcia a hmachhawn dawn. Seeded pangana Garcia hian inkhel dangah Elisabetta Cocciaretto chu 6-3, 7-5 in a lo hneh ve thung - Swiatek nen an intawng tur hi a hmuhnawm ang.

Inkhel dangah seeded pariatna Petra Martic chuan quarterfinal thleng turin Maja Chwalinska chu 6-3, 3-6, 6-3 in a hneh. Jasmine Paolini pawhin Clara Burel 6-1, 6-7 (1), 6-0 in a hneh ve bawk.