India nulaten New Zealand an hneh

India nula hockey khel thiam ten Nilaini khan New Zealand 3-0 in an hneh a, nipui laia neih tur Olympic atan inbuatsaihna an nei ṭha thawkhat hle - India tan hian mizo player Lalremsiami Hmar chu a feh chhuak ve bawk.

New Zeland lakah hian striker Navneet chuan goal hnih a khung a, a goal khung inkar lakah Sharmila chuan goal khat lo thawh ve bawkin India hian harsa lutuk loin hnehna an chang.

India hian an mach hmasa zawkah team ṭha Great Britain chu 1-0 in an lo hneh tawh bawk, Britain an hneh ṭum hian captain leh innghahna ni bawk Rani Rampal chun goal awmchhun a khung.

India chief coach Sjoerd Marijne chuan, "New Zealand lakah goal chhuah loa khelh theih chu a lawmawm, chumi piah lamah goal thum kan khung bawk. Tun 

ṭuma kan zin chhuak chu lawmna tur a tam hle, Olympic hmain team ṭha lehzual kan din thei ang," tiin a sawi.