MSL khel tur Champhai

Mizoram Super League season 8 khel turin Champhai an tling. Inrinni zana khelh qualifying final-ah Champhai hian Lunglei chu 73-69 in an hneh a, tualchhung basketball inelna sang ber khel tur hian an tling a ni.

MSL8-ah hian team pariat an awm dawn, inelna hmasa lamah chuan team paruk an awm ṭhin a, pahniha tih pun tur a ni. Zarkawt BCA, Khatla TBL, Chanmari Vikings, Tuikual South leh Mission Veng Hotshots te an la tling sa.

Chawnpui erawh an tlahniam thung. Division 1 aṭangin Khatla South Barons leh LB Associates Bungkawn te an tling tawh bawk, qualifying-a champion Champhai hian hmun ruak pakhat la awm chu an hnawh khat a ni.

MSL qualifying khel tur hian district hrang hrang a duh apiang an tel thei, district pasarih an inlan. Pool pahnihah ṭhen hran an ni a, an awmna pool tur chu pawh chawpsak an ni thung. Champhai hian semifinal-ah Kolasib an lo hneh tawh bawk.