Remsiami telna India chak zel

Lalremsiami Hmar hoa khel India hmeichhe hockey team chuan Commonwealth Games an hmang ṭha viau, pool match vawi hnih an khelh tawhah Ghana leh Wales te an sawp - knockout round lut turin an dinhmun an siamṭha ta hle.

India hian Zirtawpni zan khan an match hmasa zawkah Ghana 5-0 in an sawp. Gurjit Kaur (3', 39'), Neha (28'), Sangita Kumari (36') leh Salima Tete (56') ten goal an khung a, anmahni lamah goal a lut miah lo.

Wales an hmachhawn zui a, an buai chuang lo. Vandana Katariya (26', 48') leh Gurjit Kaur (28') te hmangin 3-1 in an hneh, an khingpui lamin Xenna Hughes (45') hmangin khung ve mah se awmzia a nei phak lo a ni.

India hian Thawhlehni zanah England an hmachhawn leh dawn, pool match tawp ber atan August 3, Nilaini zanah Canada an la hmachhawn leh bawk ang.