Swiatek chak tluang lai a tawp

Player ṭha leh danglam bik tan pawh chak reng theih a ni bik lo. Hmeichhe tennis world number 1 Iga Swiatek pawh clay court-ah a zawna match 18 a chak hnuin a tlawm ve ta.

Poland Open quarterfinal-ah Swiatek hian world number 45 Caroline Garcia chu 6-1, 1-6, 6-4 in a ngam lo. Wimbledon khelh hnua tournament a khelh lehna hmasa berah duhthusam result a hmu lo.

Kum 21 mi Swiatek hian season kal laiah hian clay court bikah match 18 chhung hnehna a chang thei. Hetih chhung hian Stuttgart leh Rome Open bakah French Open title a la, tunah chak lo mah se a sulhnu sawi nep theih a ni lo.

September thlaah US Open khelh a ni leh dawn. Tun season chhunga Grand Slam hnuhnung ber khelh hmain, number 1 Swiatek hian inbuatsaih nan hard court tournament a hmachhawn leh ang.