Birmingham-in Terry an duh
Championship club Birmingham City manager Harry Redknapp chuan Chelsea captain hlui John Terry lakluh tuma an dawr thu a sawi. Kum 36-a upa defender hi Stamford Bridge-a a contract a hman zawh tawh avangin Blues-in an chhuah zalen a, club nei loin a awm mek.
Redknapp chuan, "Terry lakluh ngei tumin offer ṭha thei ang ber kan chhawp mek a, kan theihtawp kan chhuah a ni. Thutlukna hi John-a kutah a awm mek a, Birmingham pan a thlang a nih chuan kan lawm khawp ang," a ti a, England captain hlui lakluh ngei a duh.
Chelsea tana Premier League nomawi (5), FA Cup (5), Europa League (1) leh Champions League (1) nomawi pawh lo chawi tawh Terry hian Blues-a a cham chhungin match 717 a inlan hman a, London club tana inlan hnem lamah Ron Harris leh Peter Bonetti-te chiah a tluk lo.
Mahse, Terry hian season hman zawh takah khan Chelsea tan match 14 chiah a khel a, Antonio Conte-a'n Gary Cahill, Cesar Azpilicueta leh David Luiz te a chhawr rim zawk avangin September 2016 hnu lamah phei chuan Premier League match hnihah chiah inkhel bul a ṭan a ni.