Mizoramah Gopichand

Indian badminton team chief national coach Pullela Gopichand chuan nimin khan Mizoram a rawn thleng a, Mizoram Badminton Association-in Indian badminton legend hi Lengpuiah an hmuak. Gopichand hian MBA-in Tata Trusts leh Gopichand Badminton Academy te ṭangkawpin an buatsaih Tata Trusts Sub-Junior Badminton Talent Search final nizana Saron Indoor Stadium-a khelh chu a rawn chhim a, he inelnaah hian naupang beiseiawm an awm a nih chuan Gopichand Badminton Academy-ah inzir tura lak an ni ang.