Spurs forward Son an zai

Tottenham forward Son Heung-min chu Premier League season tirah a hmel kan hmuh a beiseiawm loh. South Korea leh Qatar ten World Cup qualifier an kheh ṭumin a ban ding lam ruh a tliak a, nimin khan zai a ni.

Kum 24-a upa Son hi engtia rei nge a chawlh dawn tih chu club leh Korea Football Association lamin an la tarlang lo. Spurs hian season thar inbuatsaih nan July 23 khian Paris St-Germain an hmachhawn dawn a, an league match hmasa berah August 12 khian kai thar Newcastle an lenchilh ang.

Korea international Son hian season hmasa khan North London club tan inelna hrang hrangah match 47 a khelh aṭangin goal 21 a khung a, a club hi league-ah pahnihna nih pui­in Chelsea chiah an tluk lo.