HPC Cup champion Electric Veng

Lunglei District Foot­ball Association hnuaia inelna lian, HPC Cup chu nimin khan a hmawr bawk a ni. Electric Veng chuan Rahsiveng 4-1 a hnehin a zawna a vawi li nan nomawi an chawi.

Ṭhuamluaia muala final khelhah champion lai Electric Vengin a tir aṭanga a tawp thlengin inkhel an thunun tluan chhuak zak.

R. Lalrin­chhana goal hmahruai khung chu C. Lalduh­awma goal hnih leh hun tawp dawna Lalhmangaihsanga goal in a zui a; Rahsiveng goal neih chhun hi TC Lalawmzuala khung a ni.

Final-a goal hnih khungtu Lalhma­ngaih­sanga hi man of the match atana thlan niin, inel­na pumnpuia goal kua khungtu Ramdinmawia (Rahsiveng) chu top scorer a ni. Zobawk South-in fair play chawi­mawina an dawng a, rawlthar Laldanmawia (Ramlaitui) chu Most Promising Player atana thlan a ni bawk.

Lunglei district chhungah Electic Veng hian tun hnaiah anmahni khing zo an tawng meuh lo - HPC Cup-a vawi li an champion zawn bakah Inter Branch YMA Foot­ball Tournament champion nomawi an kawl mek bawk.