Lee Chong Wei hnehtu Prannoy

Indian badmintion star HS Prannoy chuan Indo­nesia Super Series Premier quarterfinal lut turin world number 3 Lee Chong Wei chu straight game in a hneh.

Ningani khan world number 29 Prannoy hian Olympic silver medal vawi thum dawng tawh ChongWei hi 21-10, 21-8 in a hneh a ni. Prannoy hian round hmasa lamah Indonesian shuttler An­thony Ginting 21-13, 21-18 in a hneh tawh bawk.

World number 1 hlui Chong Wei hian Indo­nesian Open title hi vawi ruk ngawt a la tawh a, a vawi sarih nana lak a tumna chu India tlangval vangin a thlawn ta rih a ni.

Inkhel dangah world number 14 Kidambi Sri­kanth chuan world num­ber 9 Jan O Jorgensen chu 21-15, 20-22, 21-6 a hnehin last 16 a paltlang ve bawk.

Indian tlangval an chetṭhat ni hian hmeichhe lamah world number 15 Saina Nehwal a vanduai ve thung. London Olym­pic bronze medalist Saina hi Thailand nula Jindapol Nitchaon lakah 15-21, 21-6, 16-21 in a chak lo a ni.