Monaco leh PSG inhmachhawn har dawn

French Ligue 1 chu August 5 zan aṭangin khelh ṭan a ni dawn a, champion lai AS Monaco leh Paris Saint-Germain te chu a hmasa zawk atan November 26-ah an inhmachhawn dawn chauh.

Season hmasa khan Leonardo Jardim kaihhruaina hnuaiah Monaco hian PSG league nomawi an chhuhsak, kum 2000 hnua an champion lehna hmasa ber tawng tur hian a zawnin match 12 chhung zet hnehna an chang thei.

Tun season-ah pawh Monaco leh PSG te hi inel leh ber tura ngaih an ni. Stade Louis II-ah an inkhel hmasa zawk dawn a, nakkum April 15 khian Paris-ah an intawng ve leh thung ang. An inkhel hnuhnung zawk turah hian match nga chiah inkhelh hmabak a awm tawh dawn avangin a pawimawh hle tura ngaih a ni.

Champion lai Monaco hian an match hmasa pathumah Toulouse, Dijon leh Metz te an khel dawn a, he mi hnuah an mahni elphak tura ngaih Marseille leh Nice an hmachhawn zui leh bawk ang.