Hero-in India football team sponsor dawn

Indian Super League (ISL), I League leh Federation Cup an sponsor hnuah two wheeler siamtu lar Hero MotoCorp chuan Indian football team an sponsor dawn.

AIFF general secretary Kushal Das chuan, "Hero MotoCorp hian Indian senior national team mai bakah hian age group hrang hrang pawh sponsor an duh a ni," tiin Hero-in Indian football team nena thawhho an duh thu a sawi chiang.

Indian football team hian rei tak chhung chu sponsorship lian tham nei loin hun a hmang tawh a, hetianga company lian nena an thawhhona hnuhnung ber chu December 2012 kha niin Panasonic nen an thawkduh a, January 2010 aṭangin an thawkho.

Panasonic-in an contract an pawhsei loh hnuah Oil and Natural Gas Corporation (ONGC) chuan kum 2013 khan Indian national team hi sponsor an tum a, mahse beisei angin inremna erawh neihzui a ni ta lo.

Tun hnaiah India-in Stephen Constantine kaihhruaina hnuaiah nasa takin hman an sawn a, FIFA ranking-ah top 100-ah hial in vawrh chhoin an match hnuhnung pariatah hnehna an chang fai vek. Hetiang a nih vang hian India football team-in sumdawng liante mit a la ṭan hi a awm lo hran lo.