Russia chak nghal

FIFA Confederations Cup match hmasa berah inelna thlengtu Russia chuan Inrinni zan khan Group A-a team nem ber tura ngaih New Zealand chu 2-0 in an hneh.

FIFA president Gian­ni Infantino chuan St Pe­tersburg Stadium-ah inelna hi a hawng a, Russian president Vladimir Putin leh Brazil legend Pele ten match hmasa ber a hmunah an thlir bawk.

Russia-in ṭan phat aṭangin inelna an thunun a, goal khung theihna chance pawh an ngah. Amaherawhchu Russia goal hmasa ber hi minute 31-naa Michael Boxall-a own goal a ni a, minute 69-naah Fedor Smolov-a'n goal hnihna khungin goal dang a luh belh lo.

Russia fan hotu Alexan­der Shprygin chu opening match en phal sak a ni lo. Shprygin chuan, "Ka awm ve an phalsak loh chhan hi ka bulah engmah an sawifiah lo. Fan ID min pe a, darkar hnih hnuah min cancel sak a, sawiselna hun ka nei lo," tiin a lungawi loh thu a sawi.

Euro 2016-ah khan Shprygin hi England nena an inkhelh hmaa buai­na chhuahnaah a inhnam­hnawih avangin France aṭangin thawn haw a ni.