Mayweather a ṭawng chhuak

Boxing legend Floyd Mayweather chuan a glove khai tawh bun leh tura thutlukna siama Irish UFC champion Conor Mc­Gregor hmachhawn a tum chhan chu khawvelin a hmuh duh vang a nih thu a sawi.

Fighter ropui pahnih hi August 26 khian Las Vegas-ah an inhnek dawn a, Mayweather leh McGregor hian he inhnek aṭang hian pound maktaduai 78.4 bawr vel ve ve an hlawh thei tura ngaih a ni.

Vawi 49 inhnek a hmachhawn tawha tlawm hmel la hmu lo May­weather chuan, "Mipuiten he inhnek hi hmuh an duh a ni. Chawl tawh mah ila, mipuiin lo let leh tura min duh miau avangin ka lo let leh ta a ni. McGregor hi fighter ṭha tak a ni a, khawvel mipui hian ani nena kan inhmachhawn hi hmuh an chak em em a ni," tiin a lo kir chhan a sawi.

Mayweather hian September 2015-a Andre Berto a hneh hnuah in­hnek a hmachhawn leh tawh lo a, McGregor hi a hneh leh a nih ngat chuan vawi 50 inhnekah a tlawm lo tihna a ni dawn a ni.