Kovalev ngam loh Andre

American boxer Andre Ward chuan light heavyweight-a a kawng­hren kawl lai WBO, WBA leh IBF humhim turin Sergey Kovalev chu round riatnaah a tukzal a, inhnek vawi 32 a hmachhawnah tlawm hmel a hmu ta lo.

Boxer pahnih hi No­vember 2016 khan an lo inhmachhawn tawh a, sawisel hlawh takin Andre hian Kovalev a hneh a, a kawnghren kawl lai pathum a chhuhsak. A chak loh dan a lungawi lo Kovalev-a'n inhnek nawn a duh thu a sawi a, a beisei ang ngeiin inhnek nawn leh mah se a chak lo nawn leh ta zawk.

Las Vegas khawpuia inhnekah hian Ward hian Kovalev hi a kut dinglam a hmaiah a 'khilai' a, referee Tony Weeks chuan round riatnaah second 31 chiah an inhnek hman tihin a titawp ta a ni.

Hetihlai hian Paul Smith chu world title neih tuma inhnek a hmachhawn vawi thumnaah a tlawm leh ta. Kum 34-a upa boxer hian WBA world super-middleweight title inchuh­naah Tyron Zeuge chu unani­mous points-in an hneh lo.