Ajax boss thar Marcel Keizer

Duth club hlun Ajax chuan an reserve team coach Marcel Keizer chu an senior team enkawl turin an ruat a, kum hnih daih contract an ziah pui.

Season hmasa khan Peter Bosz kaihhruaina hnuaiah Ajax hi Dutch league-ah pahnihna an ni a, Europa League-ah final an lut bawk. Season duhawm hmang mah se manager Bosz hian Bundesliga club Borussia Dortmund a pan san.

Kum 48-a upa Keizer chuan, "Inbiakna kan neih hnuah club hotu ten ka chungah rinna an nghat tih ka hria. Champion nomawi chawi tura inbuatsaih chu kan hna hmasa a ni dawn a, hna thawh ka châk tawh hle," tiin a sawi.