Brighton player manto ber Ryan

Season thar aṭanga Premier League khel tur Brighton and Hove Albion chuan an club player manto ber ni turin Australian goalkeeper Mathew Ryan an lakluh thu an puang a, a man zat erawh tarlan a ni lo. Kum 25-a upa goalkeeper hian kum nga cham turin contract a ziak nia tarlan a ni a, July 1-ah a club thar hi a zawm ang.

Albion hian an first choice keeper David Stockdale chu contract thar zawrh mah se Premier League an khelh nana player thawh hlawk hian contract thar a ziak duh lo a, Championship club Birmingham City lam a pan dawn nia sawi a ni.

Kum 25-a upa Ryan hi Russia-a Confederations Cup khel mek Australia squad-ah a awm a, ram tan match 32 a inlan tawh. Kum 2015 khan Belgian club Club Brugge aṭangin Valencia zawm a, mahse Spanish club tan match 10 chiah inlanin season hman zawh takah khan Belgian club Genk-ah loan-in a khel.